Gullkorn frå morfar

Eg har som vanleg problem med sømna. I dei siste få dagane har eg stått opp klokka 10, uansett kor trøytt eg er, i eit forsøk på å få normalisert døgnrytmen. Til dette kom morfar med denne kommentaren:

"Det er betre å vakne klokka ti enn å ikkje vakne i det heile tatt."

Bibliotek på sjø og land

Bokbåten kjem til Brosvika laurdag den 28. Februar, klokka 14:00. Meir informasjon kan du finne på www.bokbaten.no


(Bildet er frå då Epos var i Brosvika 23. Februar 2008)

Og biblioteket i Eivindvik har utvida opningstidene sine. No er det ope måndag 17 til 20, tysdag 10 til 13, og torsdag 16 til 20. (I haust- og vinterferien er det berre ope på torsdagane)
Tidlegare var det berre dei fire timane på torsdagskvelden. Problemet med det var at det ikkje var mogleg å komme seg på biblioteket utan bil - bussen tilbake til Brosvika gjekk før biblioteket opna.

Måneskin over fjorden

Vi har endeleg fått litt snø her i Brosvika.





Ikkje at eg er så begeistra - eg har ikkje likt snø sida barndommen. Men det er pent å sjå på.

Eg søv dårleg om natta (og om dagen), og i dag tidleg vakna eg i halv sju-tida, gjekk ut på kjøkkenet for å ta meg eit glas vatn, og blei overvelda av synet av nesten-fullmånen over fjorden. Eg måtte gå ut på ei lita måneskinstur.





Kameraet mitt er elendig når det er lite ljos.. Eg er ikkje stø nok på handa heller. Eg tok mange foto, men dei fleste vart uklare.

Eit forsøk på ein blogg på Nynorsk

No har eg budd i Brosvika i nesten eit heilt år, og framleis snakkar eg ikkje nynorsk til vanleg. Mangel på trening, sannsynlegvis. Med masse hjelp frå stavekontrollen i FireFox, og kommentarar frå dei med nynorsk som hovudmål, blir det kanskje vestlending av meg etterkvart.

Her oppe i hytta lekk taket framleis når det regnar, som det heldigvis ikkje gjer i dag. Eg prøver å få rydda og vaska litt så eg kan pynte til jul, men det går veldig seint.
Har endeleg fått kverka den musa som har ete av kompost-posane mine.

Routeren var ikkje så daud etter torestormen som eg trudde - nettverkskortet i Matsuri, kabelen, OG den eine porten på routeren var øydelagt, men med nytt nettverkskort og fungerande kabel plugga i port 2, 3 eller 4 fungerer alt heilt fint. Eg må nok lære meg tolmod når det gjelder feilsøking - eg prøvde forskjellege portar på routeren, forskjellege kablar, og å bruke Chiron (laptoppen) i staden for Matsuri, men med tre forskjellege problem vart det vel alltid minst eitt med i likninga. Det var ikkje før eg plugga i den nye routeren at eg fann ut at nettverkskortet i Matsuri var daudt, og at ein av ethernetkablane mine var det òg. Så no har eg ein router i reserve.

Stavekontrollens forslag for "ethernetkablane": kybernetikarane, Hernesutvalet, jernbaneterminalane, Toshibakonsernet, og reseptblankettane.